Honor student na dating pulubi at palaboy, humihingi ng tulong upang makabili ng laptop matapos makapasa sa UP, La Salle at Ateneo

Napahanga ang mga netizen sa report card ng isang estudyante mula Leyte kung saan matataas na marka ang kanyang nakuha.

Viral ang post ng estudyanteng si Eugene Dela Cruz matapos niyang ikwento ang kanyang buhay sa social media upang lubos na maunawaan ng lahat kung bakit siya humihingi ng tulong.

Nakapasa si Eugene sa entrance exam sa tatlong kilalang prestiheyosong paaralan sa bansa, sa University of the Philippines Los Baños, De La Salle University at Ateneo de Manila University.

Ayon sa kanyang post, humihingi siya ng tulong upang makabili ng laptop upang kanyang magamit sa pasukan. Upang maunawaan naman ng mga netizen ang kanyang kalagayan ay minabuti niyang ikwenento ang kanyang buhay.

Credit: Eugene Dela Cruz / Facebook

Sa murang edad pa lamang ay pinagtibay na siya ng kanyang karanasan. Limang taong gulang pa umano siya ng maghiwalay ang kanyang mga magulang at naiwan siya sa poder ng kanyang lola.

Nag-aral siya Gregorio del Pilar Elementary School at nakapagtapos bilang second honor o ikalawang karangalang banggit.

Ngunit isang pagsubok na naman ang kanyang kinaharap ng mapalayas sa kanilang tahanan. Naging palaboy umano siya at tumira sa lansangan. Naranasan rin niya ang manglimos upang may maibili lamang ng pagkain.

Credit: Eugene Dela Cruz / Facebook

Makalipas ang tatlong taon ay ipinadala siya ng kanyang ama sa Leyte. Doon ay nagpa-enroll siya sa Hilongos National Vocational School lingi umano sa kaalaman at kagustuhan ng kanyang ama.

Wala siyang natanggap na tulong mula sa kanyang ama ngunit ipinagpatuloy niya ang pag-aaral sa tulong naman ng mga guro, kanyang paaralan at pagkakaroon ng mga raket upang kumita.

Nakapagtapos siya ng high school bilang may pinakamataas na karangalan. Dahil rito ay nabigyan siya ng full scholarship sa UP, La Salle at Ateneo.

Credit: Eugene Dela Cruz / Facebook

Labis naman ang pasasalamat ni Eugene dahil unti unti na niyang naabot ang kanyang mga parangap. Ngunit sa pagbubulas ng pasulan ay nangangailangan siya ng laptoo upang may magamit sa pag-aaral.

Kaya naman humihigngi siya online ng tulong upang makabili nito at may magamit kapag nagsimula na ang pasukan sa Ateneo de Manila.

Credit: Eugene Dela Cruz / Facebook

Basahin ang kanyang buong post:

“Ako po si Eugene Dela Cruz, incoming freshman ng Ateneo De Manila University sa kursong AB Economics [Honors].Sa murang edad na limang taong gula Credit: Eugene Dela Cruz / Facebook ng, naghiwalay ang aking mga magulang. Mula noon, ako’y naiwan sa aking lola (sa side ng aking tatay) at ako’y nag-aral ng elementarya sa Gregorio Del Pilar Elementary School. Ako’y nakapagtapos bilang ‘Ikalawang Karangalang Banggit’ na siya ring ikinaligaya ko sapagkat nais ko itong ialay sa aking mga magulang upang ako’y mapansin — at mahalin. Ngunit matapos lamang ang ilang linggo, ako’y napalayas sa aming tahanan. Nagpalipat-lipat ako ng tirahan at minsa’y nakaranas na rin na matulog sa kalye habang nanghihingi ng limos sa mga dumadaan para lamang makakain ng kahit isang pandesal na siyang magtatawid sa aking gutom para sa araw na iyon. Maaga mang namulat sa mapait na karanasan ng pag-iisa, ako’y hindi hinayaan ng Panginoon na mamatay (maging sa gutom man o kahit anong kapahamakan na maaaring mangyari sa daan). Matapos ang tatlong taon, ako’y pinapunta sa Leyte ng aking ama. Ako’y nagpa-enroll sa isang nalalapit na pampublikong mataas na paaralan (Hilongos National Vocational School) ng hindi lingid sa kaalaman ng aking tatay na siya ring ikinagalit niya sapagkat hindi ito ang kanyang ninanais at hindi rin ito isa sa mga dahilan kung bakit niya ako pinapunta sa Leyte. Ako’y muling naiwan ngunit sa tulong ng aking mga guro, ng paaralan, at ng aking pagsisikap na mag-aral at sustentuhan ang aking sarili sa pamamagitan ng pagtututor at pagtuturo ng sayaw, naitaguyod ko ang aking sarili at nakapagtapos ng hayskul.

Dulot ng pandemya, nagsara ang mga paaralan na siya ring nag-udyok sa kanila na mag-isip ng makabagong pamamaraan ng pagtuturo. Sa nagdaang taon ng pag-aaral (at huling taon sa hayskul), ang aming paarala’y gumamit ng modular distance learning scheme. Sa awa ng Diyos, ako’y nakapagtapos ng “May Pinakamataas na Karangalan” na siya ring kauna-unahang ibinigay sa isang mag-aaral mula ng maipatayo ang Senior High School ng Hilongos National Vocational School. Sa tulong ng aking mga marka, ako ri’y nabibiyayan ng full scholarship sa De La Salle University (BS Applied Economics [Ladderized] at Ateneo De Manila University (AB Economics [Honors]). Ako ri’y nakapasa sa University of the Philippines (Los Baños) sa parehong kurso (BS Economics).

Sa kabila ng aking kagalakan sa mga biyayang inihatid ng Panginoon sa akin, ako’y lubos na nangangamba. Bukod sa alam kong ang mga unibersidad na ito’y gagamit ng online learning scheme na kung saan ako’y mangangailangan ng internet connection at laptop, ako ri’y kinakailangang magkaroon ng maintaining grade na alam kong mahirap tuparin lalo na’t wala akong mga kagamitang naaayon para sa learning scheme na ito. Sa katotohanan, ako’y nagsimulang mag-ipon simula noong Setyembre sa pamamagitan ng pagbabawas sa aking pagkain upang makapagtipid at makabawas sa aking gagastusin para sa aking sarili upang ako’y may maitabi na pera sapagkat alam kong hindi magiging madali ang aking pag-aaral kung wala akong laptop ngunit dulot sa scam na nangyari noong Mayo (20,000+), alam kong imposible na ngayon na makapagipon pa akong muli para makabili ako ng laptop na aking magagamit sa nalalapit na pasukan at orientation seminar sa susunod na mga linggo.

Ako ma’y nahihiyang manghingi ng tulong, tila aking kagustuhang makapagtapos ang siyang naguudyok sa akin na gawin ito para lamang makatulong sa aking pamilya sa hinaharap kahit na ganoon man ang aking naging karanasan dulot ng kanilang mga desisyon. Kung kaya’t ako’y kumakatok sa inyong mga puso para sa anumang halaga na siyang makakatulong upang makalikom ako ng sapat na salapi upang makabili ng laptop para sa aking pag-aaral. Kayo’y makaasa na ang inyong tulong ay hindi ko aaksayahin at aking gagamitin sa abot ng makakaya upang makatulong sa iba.Pasensya sa abalang aking naidulot at maraming salamat sa inyong oras.”

-Eugene

Loading...